FDCH Aprezenta Planu no Proposta Orsamentu 2026 ba KRO

Dili, 07 agostu 2025. Diretór Ezekutivu Fundo de Desenvolvimento do Capital Humano (FDCH), Júlio Aparício, Diretór Adjuntu, Rogério Inácio S. Miranda Lay ho ekipa akompaña Ministru Planeamentu no Investimentu Estratéjiku (MPIE), Eng.  Gastão Francisco de Sousa aprezenta  tetu no proposta orsamentu tinan 2026 ba Komité Revizaun Orsamentu (KRO), ne’ebé lidera hosi Sua Exélensia Primeiru-Ministru, Kay Rala Xanana Gusmão, iha Auditóriu Ministériu Finansas Aitarak-laran.

Tetu orsamentu FDCH nian ba tinan 2026 ne’ebé simu husi Ministériu Finansas ho totál orsamentu $ 15,158,148.00 ne’ebé sei finansia programa no atividade  ezistensia sira hanesan: (1.Saláriu no Vensimentu: $ 578,524.00 (2.Bens no Servisu Korrente: $1,257,902.00 no (3.Transferénsia Públika:  $13,321,722.00.

Ho nune’e iha reuniaun KRO ne’e FDCH aprezenta mós orsamentu adisionál ho montante  millaun $6.3 hodi finansia programa bolsa estudu foun no funsionamentu no dezenvolvimentu institusional  ba  tinan 2026 hodi responde ba nesesidade estratejika estadu nian bazeia ba planu prioridade Governu da-sia iha dezenvolvimentu rekursus umanus. (Média_FDCH)