Bolseiru FDCH-ANATL Na’in Neen Graduatan iha POLTEKBANG Suarabaya

Surabaya, 22 agostu 2025. Diretór Adjuntu , Fundo de Desenvolvimento do Capital Humano (FDCH), Rogério Inácio S. Miranda Lay akompaña husi Xefe Unidade Administrasaun Finansas, Adriana Xavier no Asesor Juridiku, Tomas Maria Nunes, partisipa iha serimónia graduasaun da-ruak ba bolseiru FDCH –ANATL iha Politeknik Pnenerbangan (POLTEKBANG-Surabaya) no asina mós Memorandun of Agrement (MoA) entre FDCH-ANATL ho POLTEKBANG.

Total graduadu POLTEKBANG ba tinan ne’e hamutuk 230 no husi Timor-Leste foinsa’e hamutuk na’in sanulu (10), na’in neen (6) nu’udar bolseiru ne’ebé FDCH finansia liu husi ANATL.Ep, mane tolu (3) no feto tolu (3) ho área estudu enjeñaria navegasaun Aero na’in 2 no na’in 4 ho area esudu Jestaun Transporte Aero, no nain 4 seluk finansia rasik husi familia.
Bolseiru graduadu na’in neen ne’e, hahú sira nia estudu iha POLTEKBANG iha tinan 2022 nu’udar rekursu daruak ne’ebé Governu liu husi FDCH investe ho kualidade hodi prepara foinsa’e sira atu servisu iha área aviasaun nian iha aeroportu sira ne’ebé nia jestaun hala’o husi ANATL,EP.

Ho nune’e liu husi akordu téknika ne’ebé selebra husi FDCH, ANATL ho POLTEKBANG nu’udar konkordansia husi parte tolu atu hametin nafatin kooperasaun ne’ebé di’ak liu tan hodi bele kontinua nafatin loke oprtunidade ba timoroan sira ba hala’o sira nia estudu iha politékniku aviasaun ne’e, liu husi bolsa estudu ne’ebé FDCH atribui liu husi ANATL, EP.Tanba dadaun ne’e joven timoroan barak mak kompete ba konkursu publiku ba area Aviasaun nian ne’ebé ANATL.Ep, loke ba publiku, hodi preapara rekursu ne’ebé di’ak ho kulidade iha area hotu –hotu inklui mós area aveasaun nian. (Média-FDCH)