FDCH Estabelese Akordu Tékniku ho Institut Seni Indonesia Yogyakarta

Yogyakarta, 25 Agostu 2025.  Diretór Adjuntu  ba Fundo de Desenvolvimento do Capital Humano (FDCH),  Rogério Inácio S. Miranda Lay asina ona akordu tékniku  (Technical agreement)  ho vise Reitor III Institut Seni Indonesia (ISI),  Dr. M. Kholid Arif Roman, S. Hut., M. M. iha kampus ISI Yogyakarta- Indonesia.

Objetivu estabelesimentu akordu tékniku ne’e hodi servisu hamutuk entre FDCH ho ISI iha prosesu dezenvolvimentu rekursus umanus Timor-Leste nian liu-liu iha área artes, tanba iha tinan ne’e bolseiru FDCH  na’in 8 ho programa estudu Mestradu  na’in haat (4) no Lisensiatura  na’in haat (4)  sei ba kontinua sira nia estudu iha ISI.

Serimónia asinatura akordu tékniku entre FDCH ho ISI, partisipa mós husi  Diretor Jeral Sekrtariu Estadu Arte no Kultura (SEAC),  Gil Paulino Santos Oliveira, Xefe Unidade Administrasaun Finansas,  Adriana Xavier no Asesor Juridiku, Tomas Maria Nunes no husi parte ISI partisipa mós husi estrutura no dosente sira.

Hafoin estabelese tiha akordu tékniku parte rua kontinua kedas halo diskusaun kona- ba prosesu dezlokasaun  bolseiros foun nain 8 ne’ebé iha fulan oin sei hahú sira ninia estudu no iha tempu hanesan hala’o  mós vizita ba Faculty of Visual Arts and Design  hodi hare no observa Arte no Design ne’ebé infeita iha institute ne’e. (Média_FDCH)