DE FDCH ho Ekipa Realiza Enkontru ho Prezidente Parlamentu Nasionál

Díli, 23 Jullu 2025. Diretór Ezekutivu Fundo de Desenvolvimento do Capital Humano (FDCH), Júlio Aparício, hamutuk ho Diretór Adjunto, Rogerio I. S. Miranda Lay, Koordenador Servisu Tékniku Operasaun Fundo, Atanásio Soares, Koordenadora Servisu Administrasaun Finansas, Anastasia do Espirito Santo no akompaña mós  husi Asesor Juridico, Tomas Maria Nunes, Asesora Nasionál, Teknika Formasaun Rekursus Umanus, Marcia S. G. Aparício, halo enkontru ho Prezidente Parlamento Nasional, Maria Fernanda Lay ho Sekretáriu-Jeral, Edgar Sequeira Martins, iha Gabinete Prezidente Parlamentu Nasionál.

Objetivu husi  enkontru ne’e hodi responde ba konvite husi Parlamentu Nasionál ne’ebé husu FDCH atu halo diskusaun hamutuk kona-ba posibilidade atribuisaun  bolsa estudu ba funsionáriu sira  ne’ebé hala’o knaar iha Paralmentu Nasionál.

Husi diskusaun refere parte rua ko’alia hamutuk hodi haree  no diskute kona-ba regras no rekezitus ne’ebé mak iha. Tanba iha Fundo iha  regras rua mak hanesan funsionáriu públiku permanente atu asesu ba bolsa estudu tenke submete planu no proposta liu husi INAP no  funsionáriu kontratadu sira husi instituisaun estadu bele submete planu no proposta husi instituisaun mai  direta iha Sekretariadu FDCH

.

Tanba haree ba importánsia dezenvolvimentu rekursus umanus iha servisu Parlamentu Nasionál, FDCH kontinua nakloke iha diskusaun kontinuasaun hodi bele reforsa rekursus umanus funsionáriu Parlamentu Nasionál iha futuru.    (Média-FDCH)