Conselho Administração FDCH Halo Diskusaun ba Tetu Orsamentu 2026
Dili, 17 Jullu 2025. Conselho do Administrção Fundo de Desenvolvimento do Capital Humano (CA-FDCH), realiza Reuniaun Conselho Administração ba-dala 39 hodi halo diskusaun no apresiasaun ba tetu orsamentu FDCH nian ba tinan 2026, Reuniaun ne’e realiza iha Gabinte Ministru Planeamentu no Investimentu Estratéjiku (MPIE), Bedik Hun Fatuhada.
Reuniaun Konsellu ne’e prezide direita husi Ministru Planeamentu Investimentu Estratéjiku, nu’udar Prezidente CA-FDCH, Eng. Gastão Francisco de Sousa no partisipa husi Ministru Justisa, Sérgio de Jesus Fernandes da Costa Hornai (Membru permanente CA-FDCH), Ministru Petroleu no Rekursus Minerais, Francisco da Costa Monteiro (Membru permanente CA-FDCH), Diretóra Jerál Ensinu Superior, Maria Filomena Lay Guterres ne’ebé reprezenta Ministru Ensinu Superior Siénsia no Kultura, Diretór Ezekutivu FDCH, Júlio Aparício, Diretór Adjuntu, Rogerio Inacio S. Miranda Lay Reprezentante husi INAP, assesor sira, kargu Koordenadores no xefia sira husi FDCH.
Iha reuniaun ne’e Diretór Ezekutivu FDCH, Júlio Aparício ho Koordenadór Servisu Tékniku ba Opersaun Fundu (STOF), Atanásio Soares halo aprezentasaun kona-ba tetu orsamentu 2026 ba FDCH ne’ebé simu husi Ministériu Finansas ho montante $ 15,158,148.00 ne’ebé sei finansia programa no atividade ezistente sira hanesan: 1). Saláriu no Vensimentu: $ 578,524.00. 20. 2). Bens no Servisu Korrente $1,257,902.00 no 3).Transferénsia Públika $13,321,722.00.
Hafoin aprezentasaun Prezidente CA-FDCH ho membru sira halo diskusaun no apresiasaun hodi aprova tetu orsamentu FDCH nian ba tinan 2026 no nafatin prioritija hodi investe iha área estratéjiku sira ne’ebé aliñea ho prioridade Governu da-sia nian ne’ebé S-FDCH sei implementa iha programa bolsa estudu iha tinan 2026.
Konsellu Administrasaun mak orgaun ne’ebé aas liu no halo desizaun iha Sekretáriadu Fundo de Desenvolvimento do Capital Humano (FDCH). Papél konsellu nian mak atu fó konsellu ba polítika, aprovasaun no dirasaun kona-ba dezenvolvimentu rekursu umanu iha Timor-Leste nomós programa FDCH no projetu sira iha Timor-Leste. (Média_FDCH)