Prezidente CA-FDCH Prezide Reinuaun ba Dala-37

Dili, 01 Abril 2025.Conselho Administração Fundo de Desenvolvimento do Capital Humano (CA-FDCH), realiza reuniaun ba dala-37, iha Gabinte Ministru Planemanetu no Investimentu Estratéjiku (MPIE), Bedik Hun Fatuhada.

Reuniaun CA-FDCH ne’e prezide direita husi Ministru Planeamentu no Investiementu Estratéjiku núdar Prezidente CA-FDCH, Eng. Gastão Francisco de Sousa no partisipa husi Ministru Ensinu Superior Siénsia no Kultura, José Honorio da Costa Pereira Jeronimo (membru), Ministru Petroléu no Rekursu Minerais, Francisco da Costa Monteiro (membru) Sekretariu Estadu Formasaun Profisionál no Empregu, Rogério Araújo Mendonça (membru), Diretór Ezekutviu FDCH, Júlio Aparício, Adjuntu Diretór, Rogerio Inacio S. M. Lay, kargu koordenadores no xefia balun husi sekretariadu FDCH.

Reuniaun CA-FDCH ba dala-37 ne’e ho ajenda úniku hodi halo diskusaun no aprovasaun husi Conselho Administração ba Planu Asaun Téknika responsabel monitorizasaun no akompañamentu ba bolseiru sira ne’ebé integra iha Programa Reforma Setór Justisa, tanba dau-daun ne’e bolseiru hamutuk na’in 50 mak hala’o sira ninia estudu iha área Direitu iha universidade sira iha Portugal.
Bolseiru foinsa’e timoroan hirak ne’e nu’udar investimentu boot Governu da-sia nian hodi prepara futuru Juis, Prokuradór no Defensor ne’ebé termina sira nia estudu sei fila mai reforsa servisu setór justisa iha rai doben Timor-Leste. (Média_FDCH)