Dili, 21 Janeiru 2025. Conselho do Administrção Fundo de Desenvolvimento do Capital Humano (CA-FDCH), realiza Reuniaun Conselho Administração ba dala 35 no dahuluk iha tinan 2025 hodi halo diskusaun ba dezenvolvimentu rekursus umanus Timor-Leste ne’ebé aprezenta husi Sekretariadu FDCH, iha salaun Delta Nova.

Reuniaun Konsellu ne’e prezide direita husi Ministru Planeamentu Investimentu Estratéjiku, nu’udar Prezidente CA-FDCH, Eng. Gastão Francisco de Sousa no partisipa husi Ministru Ensinu Superior, Siénsia no Kultura, José Honório da Costa Pereira Jerónimo (Membru Permanente CA-FDCH), Ministra Finansas, Santina José Rodrigues F. Viegas Cardoso (Membru permanente CA-FDCH), Ministru Justisa, Sérgio de Jesus Fernandes da Costa Hornai (Membru permanente-FDCH), Ministru Petroliu no Rekursus Minerais, Francisco da Costa Monteiro (Membru permanente CA-FDCH), Sekretariu Estado Formasaun Profsionál no Empregu, Rogério Araújo Mendonça (Membru permanete CA-FDCH) Diretór Ezekutivu FDCH, Júlio Aparício ho ninia estrutura ho dirijente no pontu fokal husi Liña Ministeriál no Instituisaun Estadu akreditadu sira FDCH nian.

Ajenda ba reuniaun ne’e mak, aprezentasaun rezultadu Prelimináriu ba Estudu Mapeamentu Rekursus Umanus Setór Públiku no Privadu ne’ebé aprezenta husi konsultor Dr. Afonso de Almeida no Diretór Eekutivu FDCH Júlio Aparício ho ekipa halo aprezentasaun kona-ba prioridade área estudu sira programa Bolsa Estudu 2025, Aprezentasaun taxa ezekusaun Orsamentu FDCH tinan 2024, aprezentasaun no aprovasaun ba pedidu billete Aviaun ba estudante bolsa parsial Brazil ho Xina no reuniaun konsellu administrasaun dahuluk iha tinan 2025 ne’e termina ho Distribuisaun Pakote Orsamentu 2025 ba Liña Ministeriál no Instituisaun Estadu Akreditadu sira FDCH nian ne’ebé organiza programa dezenvolvimentu rekursus umanus iha area formasaun no bolsa estudu.

Conselho do Administração FDCH mak nu’udar orgaun ida ne’ebé aas liu no halo desizaun iha Sekretáriadu FDCH. Papél konsellu nian mak atu fó konsellu ba polítika, aprovasaun no dirasaun kona-ba dezenvolvimentu rekursu umanu iha Timor-Leste nomós programa FDCH no projetu sira dezenvolvimentu rekursus umanus iha Timor-Leste. (Média-FDCH)