Dili, 13 Janeiru 2025. Sekretariadu Fundo de Desenvolvimento do Capital Humano (FDCH), konvoka enkontru ho dirijente no pontu fokál sira husi Liña Ministérial (LM) no Instituisaun estadu sira hodi halo aprezentasaun rezultadu prelimináriu ba Atualizasaun Estudu Mapeamentu no Rekursus Umanus Setór Públiku no Privadu, iha edifisiu FDCH, Colmera.

Diretór Ezekutivu FDCH, Júlio Aparício hato’o apresiasaun no agradese ba prezensa dirijente no pontu fokal sira mai iha enkontru ne’e, hodi haree hamutuk fila-fali dadus ne’ebé priénse ona no kompleta nesesidade dadus sira ne’ebé presiza molok tama ba iha elborasaun finál hodi aprezenta ba Conselho Administrção FDCH no Conselho Ministro.

Konsultór Dr. Afonso de Almeida, iha ninia aprezentasaun rezultadu preliminariu ba Estudu Mapeamentu no Rekursus Umanus Setór Públiku no Privadu, informa iha elaborasaun dokumentu seidauk finaliza tanba dadus balun seidauk kompletu nune’e, husu ba Liña Ministerial no instituisaun estadu sira atu kompleta, liu-liu iha area formasaun rekursus umanus tuir area estratéjiku haktuir ba nesesidade instituisaun nian iha futuru.

Enkontru ne’e hetan partisipasaun husi Koordenadores no Xefe unidade sira iha S-FDCH no partisipasaun másimu mós husi dirijente no pontu fokal sira husi liña Ministérial no instituisaun estadu sira ne’ebé priense ona kusionáriu husi FDCH maibé seidauk kompletu.