Orsamentu FDCH $18,973,544 ba 2025 Kontinua Prioritiza Programa Prinsipal Haat

Orsamentu Jerál Estadu (OJE) ba tinan 2025 ne’ebé aloka mai Fundo de Desenvolvimento do Capital Humano (FDCH) hodi finansia programa bolsa estudu no formasaun atu kontribui badezenvolvimentu rekursus umanus Timor-Leste nian  hetan aprovasaun iha dikusaun espesialidade husi deputadu sira iha Parlamentu Nasionál ho Votus Afavór 42, Abstensaun 15, Kontra 0, iha loron 19 Novembru 2024. no hetan ona Promulgasaun husi Prezidente Republika.

Iha tinan 2025, FDCH hetan alokasaun orsamentu ho montante $18,973,544 ne’ebé sei kontinua finansia programa prinsipal haat hanesan; (1. Formasaun Profisionál ho orsamentu $1,223,780.00. (2. Formasaun Téknika ho orsamentu $ 2,051,682.00. (3. Bolsa Estudu ho orsamentu $ 13, 956,821.00  no (4. Funsionamentu no Dezenvolvimentu Institusionál ho orsamentu $1,741,261.00.

Orsamentu  FDCH sei finansia ativididade hamutuk 51 ho ninia projesaun benefisiarius hamutuk 9.273,  husi Programa Formasaun Profisionál ho atividade 3 ne’ebé sei benefisia benefisiarius hamutuk 3.315, Formasaun Téknika ho atividade 16 ne’ebé sei benefisia benefisiarius hamutuk 986, Bolsa Estudu atividade 30 ne’ebé sei benefisia benefisiarius hamutuk 4.794 no Funsionamentu no Dezenvolvimentu Institusionál ho atividade 2 ne’ebé sei benefisia benefisiarius 178.

Orsamentu FDCH ba tinan 2025 hetan aumentu  millaun rua resin kompara ho tinan 2024 ne’ebé  ho de’it $16,400,668.00.

Aleinde ne’e ezkeusaun orsamentu FDCH ba 2024 to’o iha fim do ano atinje peresentajen 96%  husi orsamentu ho motante $16,400,668.00 ne’ebe aloka ba programa haat FDCH nian hanesan; Formasaun Profisional, Formasaun Teknika, Bolsa Estudu no Funsionamentu no Dezenvolvimentu Instiusional.

Lina Ministérial no Instituisaun Estadu ne’ebé akreditadu mai FDCH hodi hetan finansiamentu ba  implementa programa bolsa estudu no formasaun iha tinan 2025 hamutuk 15 mak hanesan; Sekretaria Estadu Formasaun Profisionál no Empregu (SEFOPE), Centro Nacional  Chega (CNC), Falintil Força Defesa Timor-Leste (F-FDTL), Gabinete Primeiru Ministru (Grupo de Trabalho para a Reforma do Sector da Justiça), Instituto de Defesa Nacional (IDN), Instituto Nacional da Administração Publica (INAP), Ministériu Ensinu Superior Siénsia no Kultura (MESCC), Ministériu Justisa (MJ), Ministériu Finansas(MF), Procurador Geral da República (PGR), Polísia Nasional Timor-Leste (PNTL),  Administração de Aeroportos e Navegação Aéra de Timor-Leste (ANATL), Sekretariadu – FDCH, Tribunal de Recurso (TR)  no Universidade Nasionál Timor Lorosa’e (UNTL).

FDCH hari’i husi Lei nu. 1/II, 14 Fevereiru 2011, ne’ebé aprova Orsamentu Jerál Estadu ba 2011, no hanesan Fundu Autonomu, bazeia ba artigu 2. numeru 4 Lei nu. 1/2022, 3 de Janeiru Orsamentu Jeral Estadu 2022. Kona-ba Orsamentu no Jestaun Finanseira.

Natureza jurídika, FDCH nu’udar fundu autonomu ne’ebé ho ninia personalidade júridika autonómia administrativa, finanseira alargada no patrimonial, bazeia ba artigu 2 dekretu lei nú 18/2024, 22 Marsu, regulamentu Fundo de Desenvolvimento do Capital Humano no integra mós nu’udar  administrasaun indireta Estadu, bazeia ba artigu 32 nú 2 Dekretu-Lei nú 16/2021, 15  setembru.  Aplika  supletivamente ninia funsionamentu tuir  rejime institutu públiku.