Atividade Retiru “Sekretariadu - FDCH hodi Avalia Programa no Hametin Espirítu Servisu Atendimentu Públiku”

Sekretariadu Fundo de Desenvolvimento do Capital Humano (S-FDCH) realiza atividade retiru durante (27-29 Dezembru 2024 ) iha Alma do Mar  Munisipiu Likisa hodi halo avaliasaun ba implementasaun programa FDCH iha tinan  2024 no preparasaun kronograma ba Planu Jerál asaun no annual tinan 2025 .

Objetivu husi atividade ne’e,  hodi halo avaliasaun jerál ba programa FDCH nian no halo diskusaun no identifika difikuldade durante implementasaun programa no orsamentu FDCH iha tinan 2024,  identifka planu asaun anual ba ativiadade S-FDCH ne’ebé maka sei implementa iha tinan 2025 no  Refreskamentu espirituál funsionáriu Sekretáriadu FDCH nian.

Atividade ne’e hahú ho retiru no misa ne’ebé prezide husi Padre, Luis Fereira iha loron primeiru, liu-hosi re-tiru ho  Misa  nu’udar parte ida hodi hametin moral no espirítu ba funsionariu sira atu prepara-an hodi  simu  festa boot Natal no Tinan foun 2025  .

Iha  loron segundu hahú ho aprezentasaun  husi Diretór Nasionál Orsamentu,  Ministériu Finansa, Salomão  Yaquin  nu’udar orador primeiru ne’ebé halo aprezentasaun kona-ba “Prosesu Elaborasaun Orsamentu Jeral Estadu”.

Aprezentasaun husi Koordenadora Servisu Administrasaun Finansas  kona-ba orsamentu 2024 ho montante orsamentu $16,400,668.00 ne’ebé aloka ba programa haat FDCH nian hanesan; Formasaun Profisionál, Formasaun Téknika, Bolsa Estudu no Programa Boa Governasaun no Jestaun Institusionál  hahú husi Janeiru to’o -26 Dezembru 2024 ninia ezekusaun atuál atinje 94.42%.

Aprezentasaun husi Koordenador Servisu Tékniku Operasaun Fundo (STOF),  Atanasio Soares kona-ba orsamentu no planu atividade 2025 nian.

Iha tinan 2025, FDCH hetan alokasaun orsamentu ho montante $18,973,544 ne’ebé sei kontinua finansia programa prinsipal haat hanesan; (1. Formasaun Profisionál ho orsamentu $1,223,780.00. (2. Formasaun Téknika ho orsamentu $ 2,051,682.00. (3. Bolsa Estudu ho orsamentu $ 13, 956,821.00  no (4. Funsionamentu no Dezenvolvimentu Institusionál ho orsamentu $1,741,261.00.

Iha faze diskusaun funsionáriu sira aprezenta dezafiu oi-oin ne’ebé enfrenta iha implementasaun programa sira tinan 2024 nune’e, hamosu desizaun atu iha planu asaun anual ne’ebé di’ak nune’e bele guia ezekusaun programa sira ho efisiénsia no efikasia hodi bele apoiu másimu liu-ba implemetasuan planu atividade sira dezenvolvimetnu rekursus umanus Timor-Leste nia iha tinan 2025.

Atividade ne’e hetan enseramentu direita husi Ministru Planeamentu Investimentu Estratéjiku  nu’udar Prezidente Konsellu Administrasaun FDCH, Eng. Gastão Francisco de Sousa no mós husi membru Konsellu Administrasaun FDCH, Ministru Ensiñu Superior Siénsia no Kultura, Dr. José Honório da Costa Pereira Jerónimo no Ministru Justisa, Dr. Sérgio de Jesus Fernandes da Costa Hornai.

Atividade retiru no avaliasaun ba programa S-FDCH ne’e la’o ho susesu no hetan partisipasaun másimu husi Diretór Ezekutivu, Diretór Adjuntu, Assesor, kargu koordenadores, xefe unidade no funsionáriu sira ne’ebé hala’o kna’ar iha Sekretariadu Fundo de Desenvolvimento do Capital Humano .