Benefisiariu ba programa Bolsa Estudu Apresenta-Ann Hafoin Graduasaun

Dili, 03 Dezembru 2024. Benefisiariu ba programa Bolsa Estudu parsial anterior (Bolsa Hakbiit)  na’in 4 ne’ebé termina ona sira nia estudu  iha Dili Institute of Technology (DIT) aprezenta-an ba Diretór Ezekutivu Fundo de Desenvolvimento do Capital Humano (FDCH),  Júlio Aparício ne’ebé akompaña husi Koordenador Servisu Tékniku Operasaun Fundu, Atánasio Soares, Assesora Bolsa Estudu, Márcia Aparício no Xefe Unidade Bolsa Estudu Josefina Goncalves do Nascimento , iha gabinete Diretor Ezekutivu FDCH, iha Colmera.

Objetivu husi aprezentasaun ne’e hodi hato’o benefisiariu sira nia agradesimentu no apresiasaun  ba Governu liu husi FDCH ne’ebé finansia sira ninia estudu husi inísiu to’o  remata .

Bolseiru na’in haat ne’e nu’udar benefisiariu programa Bolsa Estudu parsial, anterior nu’udar (Bolsa Hakbiit) ne’ebé hahú sira ninia estudu iha 2021  iha area estudu Turizmu no Ospitalidade ho nivel estudu Diploma III iha DIT. (Média-FDCH)